პარლამენტის თავმჯდომარე შალვა პაპუაშვილი ევროკავშირის საელჩოს მიერ თელავში გამართული ევროპის დღეების ღონისძიებას აკრიტიკებს და აცხადებს, რომ საელჩომ ევროპის დღეები "ევროპული სიძულვილის დღეებად" აქცია.

"რეალურად აქამდე დაიყვანა ევროკავშირის საელჩომ ეს ყველაფერი, რომ ევროპის დღეები აქციეს ევროპული სიძულვილის დღეებად, რომელიც ყოველ ჯერზე არის სიძულვილის გამოხატვის, არის, საქართველოს, არის და მათ შორის ევროკავშირის ელჩის გამოსვლებიც და ეს ბოლო გამოსვლაც, მათ შორის, ისევე როგორც წინა გამოსვლები, არის ჩვეულებრივი პოლიტიკური აქცია, რომელიც არის ხელისუფლების წინააღმდეგ მიმართული, მისი თითოეული გამოსვლა და მთლიანად ამ ღონისძიების ღონისძიების მთელი შინაარსი, რომლის მიზანი არის საზოგადოების განწყობა ხელისუფლების წინააღმდეგ. და ამას ემატება ბონუსად სიძულვილი, რომელსაც ამ დღეებით, ამ ღონისძიებებით თესავენ.

ასე რომ, ბრჭყალებში "ვულოცავ" ევროკავშირის ელჩს, რომ ევროპის დღეები მან აქცია ევროპული სიძულვილის დღეებად. არ ვიცი, აპირებს თუ არა ევროპული სიძულვილის დღეების გაგრძელებას, მაგრამ ისეთ ჯიუტად იქცევა, რომ დარწმუნებული ვარ, რაღაც ასეთებს მოიფიქრებს, უტიფრად ცდილობს, რომ საქართველოს მოსახლეობას ცხვირწინ უტრიალოს ის ხალხი, ვინც მათ აგინებს და ვინც სიძულვილს თესავს. და ბოლოს, ყველაფერი ეს აჩვენებს სამწუხარო მდგომარეობას, რომ ჩვენ საქმე გვაქვს პოლიტიკურ აქტორთან და აღარ და აღარ გვაქვს საქმე დიპლომატიურ მისიასთან", — განაცხადა პაპუაშვილმა ბრიფინგზე.

გარდა ამისა, ის ევროკავშირის ელჩს, პაველ ჰერჩინსკის, ვენის კონვენციის დარღვევაში ადანაშაულებს. მისი მტკიცებით, ჰერჩინსკიმ თელავში ევროპის დღეების ღონისძიებით პოლიტიკური აქცია გამართა, რომლის მიზანი სიძულვილის გაღვივება და საზოგადოების ხელისუფლების წინააღმდეგ განწყობა იყო.

"ეს არის სწორედ ვენის კონვენციის დარღვევა, რასაც ჰერჩინსკი, რაც ჰერჩინსკიმ არაერთხელ ჩაიდინა, ის რამდენჯერმე დაბარებული იყო, გახსოვთ, საგარეო საქმეთა სამინისტროში ვენის კონვენციის დარღვევის გამო, მისი ქმედებებით. ის უბრალოდ იმეორებს, რაღაც გარკვეული რეციდივი არის ვენის კონვენციის დარღვევისა და ეს ბოლო ღონისძიებაც მაგალითი იყო ვენის კონვენციის დარღვევისა, როდესაც პოლიტიკური აქცია ჩატარდა სიძულვილის გასაღვივებლად და საზოგადოების ხელისუფლების წინააღმდეგ განსაწყობად, რომლითაც ევროკავშირის წარმომადგენლობა თავის თავი უკვე დააიტიფიცირა, როგორც პოლიტიკურმა აქტორმა და არა როგორც დიპლომატიურმა მისიამ", — განაცხადა შალვა პაპუაშვილმა ბრიფიგზე.

შეგახსენებთ, რომ ევროპის დღეები 2026 წლის 10 ოქტომბერს, კახეთში, თელავის მუნიციპალიტეტის სოფელ კისისხევში, "მოსმიერის" ღვინის მარანში გაიმართა. ღონისძიება ევროკავშირის წარმომადგენლობამ საქართველოში მოაწყო.