ძაღლი, რომელიც მთაში ყოფნისას, სავარაუდოდ მარიხუანას ჭამის გამო გახდა ცუდად, გადაარჩინეს.

ქრისტინა ბლუჰმე, ძაღლების ტრენერი, დიდი ბრიტანეთის ყველაზე მაღალ მწვერვალზე — ბენ-ნევისზე ადიოდა, როცა თანმხლები ცუგა, ტოკიო, ცუდად გაუხდა.

ქრისტინასა და ტოკიოს დასახმარებლად მალევე მთის სამაშველო ჯგუფი გაემართა და ტოკიო მთიდან ადგილობრივ ვეტერინარულ კლინიკაში გადაიყვანეს.

ფოტო: Lochaber Mountain Rescue Team

სამაშველო ჯგუფის მისვლამდე ქრისტინას ეგონა, რომ ტოკიოს სამუდამოდ დაკარგავდა. ძაღლი მთიდან ჩამოსვლისას თითქმის მთელი გზა გონდაკარგული იყო. თუმცა, როგორც ქრისტინა აღნიშნავს, სამაშველო ჯგუფისა და კლინიკის დახმარებით, ტოკიო სრულად გამოკეთდა. როგორც ვეტერინატებმა უთხრეს, ძაღლმა, სავარაუდოდ, სალაშქრო ბილიკზე დატოვებული მარიხუანა მიირთვა და გონების დაკარგვაც ამან გამოიწვია.

ფოტო: Lochaber Mountain Rescue Team

ქრისტინამ განაცხადა: "თუ ძაღლი გყავთ, ერთ რამეს შეგახსენებთ — იცოდეთ, რომ შესაძლოა, ყველაზე ლამაზ ადგილებშიც კი შეგხვდეთ მიტოვებული ნარკოტიკები თუ სხვა ტოქსიკური ნივთიერებები".