გაერთიანებული ოპოზიციის ერთ-ერთი ლიდერის სალომე სამადაშვილის თქმით, ოპოზიციის მთავარი ამოცანა ადგილობრივი არჩევნებისთვის უკეთესი გარემოს მიღება უნდა იყოს. ის ასევე აღნიშნავს, რომ ქართული ოცნება დაზიანდება ერთპარტიული პარლამენტით-მაგრამ დიდი ალბათობით, არც თუ ისე, რომ ხელისუფლების შენარჩუნება 2021 წლის ადგილობრივ არჩევნებამდე ვერ მოახერხოს.

"ბოიკოტი არჩევნებს? თუ არა? თუ ოპოზიციას მოუწევს ადგილობრივ არჩევნებზე ბრძოლა, ამ არჩევნების მოგება და ამის საფუძველზე, ვადამდელი საპარალამენტო არჩევნების მოთხოვნა? ვვარაუდობ, რომ ეს სცენარი უფრო რეალისტურია. ამ შემთხვევაში, მომავალი არჩევნებისთვის სხვანაირი საარჩევნო გარემოს მიღებაა ოპოზიციის ამოცანა და შესაბამისად, ყველა გადაწყვეტილება, რომელსაც დღეს მიიღებს, ამ ამოცანის ჭრილში უნდა განიხილოს. არსებობს მოსაზრებაც, რომ არჩევნებს ქვეყანაში აზრი აღარ აქვს და ბრძოლის სხვა მეთოდები უნდა ვეძებოთ. ამ პოლიტიკური მიმდინარეობის ადამიანებისთვის, არანაირ შეთანხმებას ხელისუფლებასთან მნიშვნელობა არა აქვს", — წერს სამადაშვილი.

სამადაშვილი აღნიშნავს, თავისუფალი და სამართლიანი არჩევნების უზრუნველყოფა, ერთადერთ რაციონალურ მიზნად მიმაჩნია და ყველა პოლიტიკური გადაწყეტილების ავკარგიანობას, ამ ჭრილიდან განიხილავს. მათ შორის იმას, თუ რაზე შეიძლება შეთანხმდეს ხელისუფლებასთან მიმდინარე მოლაპარაკებების პროცესში.