Coca-Cola Bottlers Georgia-ს დამფუძნებელი თემურ ჭყონია რუსეთის მიერ ქართული წარმოების სასმელების ნაწილის იმპორტზე შეზღუდვების დაწესებას გამოეხმაურა. მისი განმარტებით, ეს თემა არასერიოზულია და მათი საქმიანობა რუსეთში "კოკა-კოლას" გაყიდვასთან დაკავშირებული არ არის. მისივე განმარტებით, გარდა იმ ტერიტორიებისა, სადაც ბიზნესი ოპერირებს (საქართველო, სომხეთი, აზერბაიჯანი), მით უმეტეს რუსეთი, მათ ბიზნესინტერესში არ შედის.

"არანაირი კავშირი არა გვაქვს ამ თემასთან. დიდმა კომპანიებმა, "კოკა-კოლამ" და "მაკდონალდსმა" რუსეთის ბაზარი ომის გამო დატოვა და მორჩა. კლასიკური სახით "კოკა- კოლას" ექსპორტს Coca-Cola Bottlers Georgia არ აკეთებს. Coca-Cola Bottlers Georgia-ს ამ თემასთან არანაირი კავშირი არა აქვს. ჩვენთვის ეს თემა არასერიოზულია და ჩვენი ბიზნესი რუსეთში "კოკა-კოლას" გაყიდვა არ არის. ჩვენი ინტერესი არის მხოლოდ ის ბაზარი, სადაც ჩვენ ვოპერირებთ, ეს არის საქართველო, სომხეთი, აზერბაიჯანი. სხვა ტერიტორიები ჩვენ ბიზნეს ინტერესებში არ შედის, მით უმეტეს რუსეთი", — განაცხადა თემურ ჭყონიამ ( მის კომანტარს "ტვ პირველი" ავრცელებს.

შეგახესნებთ, რუსული მედიის ცნობით, "როსპოტრებნადზორმა" (მომხმარებელთა უფლებების დაცვისა და სანიტარიულ-ეპიდემიოლოგიური ზედამხედველობის სახელმწიფო უწყებამ) ქართული სასმელების — ღვინის, კონიაკის, ლუდის, მინერალური წყლისა და გაზიანი სასმელების ნაწილის რუსეთში იმპორტი და გაყიდვა დროებით აკრძალა. გადაწყვეტილება ევრაზიის ეკონომიკური კომისიის საბჭოს დადგენილებას ეფუძნება.