სამხრეთ კორეის მონაცემებით, ჩრდილოეთ კორეამ რამდენიმე ბალისტიკური რაკეტა გაუშვა.

სამხრეთ კორეის შტაბების გაერთიანებული კომიტეტის მიერ ორშაბათს, 12 ოქტომბერს გავრცელებული განცხადების თანახმად, რაკეტები ფხენიანის მიდამოებიდან იაპონიის ზღვის მიმართულებით გაუშვეს და მათ დაახლოებით 900 კმ გაიარეს.

იაპონიის თავდაცვის სამინისტრომ დაადასტურა ჩრდილოეთ კორეის მიერ სულ მცირე ერთი, სავარაუდოდ, ბალისტიკური რაკეტის გაშვება. იაპონურმა ტელეარხმა NHK-მ, მთავრობის წყაროებზე დაყრდნობით, გავრცელა ინფორმაცია, რომ რაკეტები იაპონიის განსაკუთრებული ეკონომიკური ზონის მიღმა ჩამოვარდა. ჩრდილოეთ კორეას რაკეტების გამოცდებთან დაკავშირებით კომენტარი ჯერ არ გაუკეთებია.