დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსის ინფექციის გავრცელება საკმაოდ სერიოზულია, ამიტომ შემზღუდველი ღონისძიებები გაფართოვდება.

"შემზღუდველი ღონისძიებები კიდევ იქნება, მაგრამ საუბარი იმაზე, რომ სრული ლოქდაუნი, რაც გვქონდა გაზაფხულზე ამ მასშტაბის, დიდი ალბათობით, არ იქნება, მაგრამ წერტილოვანს რასაც ვეძახით იმის გაფართოება ნამდვილად აუცილებელია", — განაცხადა გამყრელიძემ TV პირველთან.

საზოგადოებრივი ტრანსპორტისა და დიდი სავაჭრო ცენტრების მუშაობის, შესაძლო, შეზღუდვაზე დასმულ კითხვას ის პასუხობს, რომ პანდემიებთან და ეპიდემიებთან ბრძოლის ერთ-ერთი ღონისძიება, გარკვეული შეზღუდვებია, იქნება ეს გადაადგილების, თუ სხვადასხვა მასობრივი თავშეყრის შეზღუდვა.

19 ნოემბრის მონაცემებით, ინფიცირების 3 697 ახალი შემთხვევა დადასტურდა, გამოჯანმრთელდა 2 409 პირი, გარდაიცვალა — 38.

2020 წლის 26 თებერვლიდან დღემდე სულ გვაქვს 853 გარდაცვალების შემთხვევა, გამოჯანმრთელდა 73 877 ადამიანი, ხოლო სულ დაინფიცირდა — 93 092.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: