ალერგოლოგ-იმუნოლოგ ბიძინა კულუმბეგოვის განცხადებით, ტრანსპორტსა და დიდ სავაჭრო მოლებთან დაკავშირებით შეზღუდვების საკითხი განიხილება. ამის შესახებ მან პალიტრანიუსის გადაცემა 360 გრადუსში ისაუბრა. წამყვანის კითხვაზე, ადასტურებს თუ არა ინფორმაციას იმის შესახებ, რომ მომავალი კვირიდან საზოგადოებრივ ტრანსპორტსა და დიდ სავაჭრო ცენტრებზე შეზღუდვების დაწესების საკითხი განიხილება, კულომბეგოვი პასუხობს:

"დიახ, მე ამას ვადასტურებ. მე ვიყავი შეხვედრაზე პრემიერთან და გვითხრეს, რომ შესაძლოა, იქით კვირაში კიდევ დაგვიძახონ. ფინანსთა მინისტრმა და ვიცე-პრემიერმა დავალებაც კი მიიღო. თუ როგორი პაკეტი იქნება, დამუშავების პროცესი იყო, ზუსტი ინფორმაცია არ გაჟღერებულა, მაგრამ ეს ასე მოხდება. ჩვენი რეკომენდაცია იყო, რომ ბევრი დრო არ დაიკარგოს, რადგან დღეს და ხვალ ეს გადაწყვეტილება მაინც იქნება მისაღები, რათა ჯანდაცვამ ცოტა ამოისუნთქოს", — განაცხადა კულუმბეგოვმა.

მისივე თქმით, ის პრემიერ-მინისტრ გიორგი გახარიასთან შეხვედრასაც ესწრებოდა, სადაც აღნიშნულ საკითხზე მსჯელობდნენ.

19 ნოემბრის მონაცემებით, ინფიცირების 3 697 ახალი შემთხვევა დადასტურდა, გამოჯანმრთელდა 2 409 პირი, გარდაიცვალა — 38.

2020 წლის 26 თებერვლიდან დღემდე სულ გვაქვს 853 გარდაცვალების შემთხვევა, გამოჯანმრთელდა 73 877 ადამიანი, ხოლო სულ დაინფიცირდა — 93 092.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: