საბურთალოს რაიონში, ჩიქოვანის ქუჩაზე ერთ-ერთ მიშენებას ცეცხლი გაუჩნდა. საგანგებო სიტუაციების მართვის სამსახურში On.ge-ს განუცხადეს, რომ ხანძარი უკვე ლიკვიდირებულია. შემთხვევის შედეგად არავინ დაშავებულა.

"24 კვადრატული მიშენება იყო. ცეცხლის გამომწვევ მიზეზს გამოძიება დაადგენს", — აცხადებენ საგანგებო სიტუაციების მართვის სამსახურში.

მოხდარის გამო საბურთალოს რაიონის მცხოვრებლებს დენის მიწოდება შეუწყდათ. თელასში გვითხრეს, რომ ელექტროენერგიის გათიშვა საგანგებო სიტუაციის მართვის სამსახურმა მოითხოვა და მოქალაქეებს დენის მიწოდება მალე აღუდგებათ.