ლელოს ერთ-ერთი ლიდერის, ანა ნაცვლიშვილის განცხადებით, აშშ-ს სახელწმიფო მდივნის გზავნილი სასამართლოს დამოუკიდებლობის შესახებ, მგლის თავზე სახარების კითხვაა იუსტიციის უმაღლესი საბჭოსა და ქართული ოცებისთვის. ასე გამოეხმაურა ნაცვლიშვილი გუშინ, 19 ნოემბერს, საბჭოს მიერ 36 მოსამართლის დამტკიცებას.

"პომპეოს გზავნილი მგლის თავზე სახარების კითხვა იყო იუსტიციის საბჭოსთვის, რომელიც ფორმალურად კი დამოუკიდებელია ხელისუფლებისგან, მაგრამ, ყველას შეგახსენებთ, რომ იქ ქართული ოცნების მიერ არჩეული ხუთი წევრია და მათ გარეშე ვერანაირი გადაწყვეტილება ვერ მიიღება დანიშვნებზე. ჰოდა, პომპეოს გზავნილის კვალდაკვალ, გუშინვე 36 ახალი მოსამართლე დანიშნეს! "ოცნების" მიერ დანიშნული ყველა წევრი ერთის გამოკლებით [ნაზი ჯანეზაშვილი] კლანის ინტერესების მსახურია არჩევის დღიდან", — აცხადებს ანა ნაცვლიშვილი.

მისი თქმით, მართლმსაჯულების გათავისუფლება ქართული ოცნების ინტერესებში არ შედის.

"საარჩევნო კომისიების წარმომადგენლებს, უბნების ირგვლივ მობილიზებულ ძველ-ბიჭობას, ძველ-ბიჭობასთან შეზრდილ ადგილობრივ თვითმმართველობებს და პარტიულ შტაბებს რომ ჰქონდეთ რეალური შიში იმისა, რომ მათი დანაშაულებრივი საქმიანობა — მოსყიდვა, დაშინება და ა.შ. — გამოაშკარავდება და დაისჯება გაბედავდნენ ისინი ამ ყველაფერს?

ცესკომ და ყველა დონის საარჩევნო ადმინისტრაციამ რომ იცოდეს, რომ მათ მიერ მირეულ-მორეული "ბალანსი" ოქმებში, საარჩევნო დავების საფუძველი გახდება, ხოლო, ამ დავებს კანონის სრული სიმკაცრით განიხილავს და განსჯის დამოუკიდებელი სასამართლო, წავიდოდნენ ისინი გაყალბებაზე ციხეში წასვლის ფასად?

მაგრამ, ცალსახაა, რომ ქართული ოცნების ინტერესში არანაირად არ შედის მართლმსაჯულების გათავისუფლება. მერე რითი დაიცვას ნაქურდალი სიმართლე, ფული და ა.შ?", — განაცხადა ნაცვლიშვილმა.

გუშინ, 18 ნოემბერს, იუსტიციის უმაღლესმა საბჭომ 36 მოსამართლე დაამტკიცა.

საბჭოს არამოსამართლე წევრის, ნაზი ჯანეზაშვილის განცხადებით, დაინიშნა რამდენიმე ძალიან კარგი მოსამართლე. თუმცა, მისივე თქმით, როგორც სხვა დროს, ახლაც გამოიკვეთა ტენდენცია და ე.წ. კლანი წინასწარ იყო შეთანხმებული კანდიდატებზე.

გაიგეთ მეტი: