ეკონომიკის მინისტრის, ნათია თურნავას განცხადებით, მთავრობა ნამახვანჰესის პროექტის მკაცრ მონიტორინგს ახორციელებს, ინვესტორები პროექტის ყოველ ეტაპს მთავრობას ცალ-ცალკე უთანხმებს, ამიტომ ნამახვანიჰესზე წუხილი გადაჭარბებულია.

"რამდენადაც ვიცი, ინვესტორი ძალიან აქტიურად მუშაობს მოსახლეობასთან, მანამდეც მუშაობდა და სწორედ, ამის გამო ძალიან შეთანხმებულად ჩატარადა იქ მიწების გამოსყიდვა, კომპენსაციების დარიგება. მთელ რიგ სოციალურ პროექტს ახორციელებს ინვესტორი და ადგილობრივი მოსახლეობა არის საკმაოდ კარგად ჩართული ამ პროექტიდან გამომდინარე სხვადსხვა სოციალურ პროგრამაში. გარდა ამისა, ძალიან დიდი დასაქმებაა ამ პროექტში. პიკზე ეს პროექტი დაასაქმებს 2 000 ადამიანზე მეტს საქართველოში. დღესაც, მოსამზადებელი სამუშაოების ფარგლებში, ძალიან დიდი დოზით ადგილობრივი, ახლომდებარე სოფლების მოსახლეობა ჰყავთ დასაქმებული. მთლიანობაში, რასაკვირველია, არ არის კარგი, როცა მსგავსი ექსცესები ახლავს მსხვილ პროექტს, თუმცა, ისიც მინდა, ვთქვა, რომ ეს არ არის მხოლოდ ქართული ფენომენი. ბევრ ქვეყანაში, როდესაც არის დიდი პროექტი, აქვს გარკვეული გავლენა გარემოზე, გააჩნია რთული ინჟინერია, არის, ხოლმე, კითხვები. დარწმუნებული ვარ, პირველ რიგში, კომპანიის აქტიურობით, ჩვენი მედიაციით ეს პროცესი თანდათან განიმუხტება და დალაგდება", — განაცხადა ნათია თურნავამ.

მინისტრმა აღნიშნა ისიც, რომ მთავრობისთვის მნიშვნელოვანია ენერგეტიკული უსაფრთხოების განმტკიცება, პროექტი არის ძალიან კარგად გათვლილი უსაფრთხოების თვალსაზრისით და მთავრობისგან ნებართვაც გაცემულია.

ამავე თემაზე: