ეკონომიკის მინისტრის, ნათია თურნავას თქმით, წერტილოვანი შეზღუდვები იქნება, მაგრამ რა დოზით შეეხება ეს ზამთრის კურორტებს, ცოტახანში გახდება ცნობილი.

"ჩვენ არ ვაპირებთ მასშტაბურ ლოქდაუნს ქვეყანაში, ჩვენ უნდა მოვახერხოთ და ვმართოთ თუნდაც ასეთი გაზრდილი გამოვლინებები და ნაკლებად დავაზარალოთ ეკონომიკა, ბიზნესის გაჯანსაღების ტენდენციას მხარი დავუჭიროთ. წერტილოვანი შეზღუდვები იქნება, თუ რა დოზით შეეხება ზამთრის კურორტებს ჩვენ ამაზე ვმსჯელობთ და თქვენთვის იქნება ცნობილი", — განაცხადა თურნავამ.

9 ნოემბრიდან დიდ ქალაქებში: თბილისში, ბათუმში, ქუთაისში, რუსთავში, ზუგდიდში, გორსა და ფოთში 22 საათიდან დილის 5 საათამდე გადაადგილება შეიზღუდა. შეზღუდვა გავრცელდა როგორც ქვეითად, ისე ტრანსპორტით და კერძო ავტომობილებით მოსიარულეებზე.