გარემოს ეროვნული სააგენტოს ინფორმაციით, 19-20 ნოემბერს აღმოსავლეთ საქართველოში მოსალოდნელია ცივი და ნოტიო ჰაერის მასების გავრცელება, ნალექი ბარში თოვლჭყაპის, მთიან და მაღალმთიან რეგიონებში კი თოვლის სახით. მათივე თქმით, ზოგან შესაძლებელია ძლიერი ნისლი, მაღალმთიან ზონაში კი ქარბუქი.

უწყებაში ამბობენ, რომ შავი ზღვის სანაპირო რაიონებში, კოლხეთის დაბლობზე, ზემო იმერეთში და გორი-სურამის მონაკვეთზე იქროლებს აღმოსავლეთის მიმართულების ძლიერი ქარი.

"მოსალოდნელმა ნალექებმა შესაძლებელია მთიან ზონებში მეწყრული პროცესების ჩასახვა-გააქტიურება გამოიწვიოს", — აცხადებენ სააგენტოში.