მთავრობა 3,2 მილიონი ლარის ჟანგბადის გენერატორებს შეიძენს, მათივე ცნობით ტენდერი გამარტივებული წესით ჩატარდება. ამის შესახებ ინფომაციას 16 ნოემბერს გამოცემულ დადგენილებაში წერია.

"დღეისათვის უკვე მობილიზებულია 6000 საწოლზე მეტი და თვის ბოლომდე კიდევ იგეგმება 2400 საწოლის დამატება. აღსანიშნავია, რომ COVID–19-ით ინფიცირებულ პაციენტთა მკურნალობის პროცესში აქტიურად გამოიყენება სამედიცინო ჟანგბადი", — წერია დადგენილებაში.

საქართველოში ბოლო 24 საათის განმავლობაში გამოვლენილია ინფიცირების 3 117 ახალი შემთხვევა. ამასთან, 3 638 პირი გამოჯანმრთელდა, ხოლო 45 ადამიანი გარდაიცვალა.