ტოლერანტობის დღესთან დაკავშირებით სახალხო დამცველთან არსებულმა ეროვნულ უმცირესობათა და რელიგიათა საბჭოებმა ტოლერანტობის ქომაგები აირჩიეს.

ეროვნულ უმცირესობათა საბჭომ ნომინაციაში პიროვნება მწერალი, დათო ტურაშვილი დააჯილდოვა

ნომინაციაში ორგანიზაცია საბჭომ ორი გამარჯვებული გამოავლინა — ქალთა ფონდი საქართველოში და ივანე ჯავახიშვილის სახელობის თბილისის სახელმწიფო უნივერსიტეტის ქართულ-ოსური ურთიერთობების სამეცნიერო-კვლევითი ცენტრი.

ნომმინაციაში მედიასაშუალება —დაჯილდოვდა სერიალი თესეა.

ნომინაციაში საჯარო მოხელე — თინათინ ღოღელიანი, შერიგებისა და სამოქალაქო თანასწორობის საკითხებში საქართველოს სახელმწიფო აპარატის სამოქალაქო თანასწორობის დეპარტამენტის ხელმძღვანელი.

ტოლერანტობისა და ეროვნებათშორის ურთიერთობებში შეტანილი წვლილისთვის ტოლერანტობის ქომაგის ტიტული მიანიჭათ სახალხო დამცველთან არსებული ეროვნულ უმცირესობათა საბჭოს წევრებს — მარია ფილინას და ნაირა ბეპიევს.

რელიგიათა საბჭომ დააჯილდოვა — მარიამ ღავთაძე, ტოლერანტობისა და მრავალფეროვნების ინსტიტუტის (TDI) იურიდიული მიმართულების ხელმძღვანელი, მარიამ ჩიქობავა, განათლების, მეცნიერების, კულტურისა და სპორტის სამინისტრო, სკოლამდელი და ზოგადი განათლების დეპარტამენტის უფროსის მოადგილე, ონრად ადენაუერის სახელობის ფონდი და ჟურნალი საბა — საქართველოს კათოლიკეთა ყოველთვიური მაცნე.