ახალქალაქისა და კუმურდოს და კარის მიტროპოლიტი, ნიკოლოზ ფაჩუაშილი, რომელიც ამტკიცებს, რომ კორონავირუსი დაამარცხა, კორონავირუსთან დაკავშირებით ლექსს აქვეყნებს. მისი თქმით, აღარ აშინებს ვირუსი, რადგან PCR "აქვს მინუსი".

"ყველას გმადლობთ ლოცვისა და კეთილი სურვილებისათვის! პირველი სიმპტომები შაბათს, 31.10 გამომაჩნდა. თავიდან უბრალო გაცივება მეგონა, მაგრამ შემდეგ დავკარგე ყნოსვა და გემო, მიჭირდა გამოღვიძება და ცხვირში და ყელში ამოსუნქვისას სიმხურვალეს ვგრძნობდი. პირველი pcr ანალიზი, რომელმაც ვირუსი დამიდასტურა, ოთხშაბათს, 4.11 გავიკეთე. კვირის ბოლოს ავადმყოფობამ უკან დაიხია. თვითიზოლაციაში 2 კვირა გავატარე და გუშინ, შაბათს, 14.11 ჯერ სწრაფმა ტესტმა, ხოლო, მოგვიანებით pcr-მა უარყოფითი პასუხი აჩვენა, ანუ ვირუსი აღარ მაქვს. ამ მიზეზის გამო მცირე ლექსიც კი შევთხზი: აღარ მაშინებს ვირუსი: pcr მაქვს მინუსი", — წერს მიტროპოლიტი ნიკოლოზი თავის YouTube არხზე.

მეუფე ნიკოლოზმა 7 ნოემბერს განაცხადა, რომ კორონავირუსი დაუდასტურდა.15 ნოემბერს, მან საკუთარ არხზე ვიდეო გამოაქვეყნა, სადაც ამტკიცებდა, რომ კორონავირუსისგან განიკურნა და რესპუბლიკური საავადმყოფოს ის რეანიმაციის განყოფილება აკურთხა, სადაც კოვიდინფიცირებულებს მკურნალობდნენ.