დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე ამბობს, რომ კარგი იქნებოდა იმ კოლეგების რეკომენდაციები ხალხმრავალ შეკრებებსა და აქციებზე, რომლებიც პოლიტიკური პარტიის წევრები არიან.

"ბევრი ჩვენი კოლეგაა იმ პარტიებში და კარგი იქნება თუ რეკომენდაციებს ისინიც მისცემენ თავიანთ თანაპარტიელებს", — განაცხადა იმნაძემ პრესკონფერენციაზე ჟურნალისტების მიერ დასმული კითხვის საპასუხოდ.

დამძიმებული ეპიდვითარების მიუხედავად, ოპოზიცია ხვალ, 14 ნოემბერს რუსთაველის გამზირზე ხალხმრავალ აქციას გეგმავს. ისინი 31 ოქტომბერს ჩატარებული არჩევნების შედეგებს არ აღიარებენ. ყველა პოლიტიკურმა პარტიამ საპარლამენტო მანდატებზე უარი უკვე თქვა. ხელახალი არჩევნების მოთხოვნით, ოპოზიციის წარმომადგენლებმა საპროტესტო აქციები წინა კვირაშიც გამართეს.

13 ნოემბრის მონაცემებით, საქართველოში კორონავირუსის 3 473 ახალი შემთხვევა გამოვლინდა, გამოჯანმრთელდა 3 342 პირი, გარდაიცვალა — 37.

ქვეყანაში სულ Covid-19-ის 73 154 დადასტურებული შემთხვევაა, მათ შორის გამოჯანმრთელებულია — 55 511 ადამიანი, გარდაცვლილი — 636.
კარანტინის რეჟიმში 2 447 პირი იმყოფება, სტაციონარში მეთვალყურეობის ქვეშ — 4 957
კოვიდ სასტუმროში — 3 413.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: