დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით ექიმების დასნებოვნება ხშირად საჭმლის ერთად ჭამის დროს ხდება.

"ძალიან ბევრი, მათ შორის ჩემი კოლეგები, ნიღაბსაც და დაცვასაც ძალიან კარგად ხმარობენ, მაგრამ მერე, როდესაც დრო გამოუჩნდებათ, ძალიან ცოტაა ხოლმე ეს დრო, რომ იგივე საკვები მიიღონ, საჭმელად რომ ჯდებიან ხოლმე და მოიხსნიან, იქ ხდება ხოლმე მათი დასნებოვნება. კატეგორიულად დავიმახსოვროთ, რომ ერთმანეთთანაც, განსაკუთრებით, როდესაც საჭმელს რომ ჭამ უნდა მოიხსნა ხომ ნიღაბი. მაქსიმალურად დისტანციაზე ერთმანეთისაგან და ეცადეთ, რომ სხვადასხვა დროს მიიღოთ საკვები, რადგან ამ დროს ხდება ძალიან ხშირად დასნებოვნება", — განაცხადა იმნაძემ.

ბოლო 24 საათის განმავლობაში საქართველოში კორონავირუსის 3 473 ახალი შემთხვევა გამოვლინდა. ამასთან, გამოჯანმრთელდა 3 342 პირი.

3 413 პირი არის კოვიდ-სასტუმროში, მათ შორის, 1 583 — აჭარაში, 1 272 — თბილისში, ხოლო 294 — იმერეთში. 8 611 ადამიანი მკურნალობს ბინაზე.

საკარანტინე სივრცეში მოთავსებულია 2 506 ადამიანი. თვითიზოლაციაში იმყოფება 40 475 პირი.

საკარანტინე სივრცეში მოთავსებულია 2 447 ადამიანი. მათ შორის, თბილისში — 358, აჭარაში —1 266, ხოლო იმერეთში — 39.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: