აჭარის უმაღლესი საბჭოს ყოფილი თავმჯდომარე, ავთანდილ ბერიძე გარდაიცვალა. ამის შესახებ ინფორმაციას აჭარის უმაღლესი საბჭო ავრცელებს. ის აღნიშნულ თანამდებობას 2012-2016 წლებში იკავებდა.

"საბჭო ღრმა მწუხარებას გამოთქვამს 2012-2016 წლების საკანონმდებლო ორგანოს თავმჯდომარის გარდაცვალების გამო და უსამძიმრებს მის ოჯახს, ახლობლებს, თანამებრძოლებსა და საზოგადოებას. ავთანდილ ბერიძემ მთელი თავისი შეგნებული ცხოვრება საქართველოსა და მის უსაყვარლეს კუთხეს — აჭარას მიუძღვნა", — აცხადებენ აჭარის უმაღლეს საბჭოში.

ავთანდილ ბერიძე ბოლო პერიოდში მძიმე დაავადებას, სიმსივნეს ებრძოდა.