დაავადებათა კონტროლის ცენტრის ხელმძღვანელის მოადგილის, პაატა იმნაძის განცხადებით, საქართველოშ მოსალოდნელია შემთხვევათა მატება და მისი შეჩრების ხერხი ნიღაბი და დისტანცია და წერტილოვანი შეზღუდვებია. მისი თქმით, შეიძლება ეს "გაუთვიცნობიერებელმა" მოქალაქემ ვერ გაიგოს, მაგრამ საჭიროა.

"შეიძლება, გაუთვიცნოიერებელმა მოქალაქემ ვერ გაიგოს, ღამე რატომ არის აუცილებელი მოძრაობის შეზღუდვა ან სხვა წერტილოვანი შეზღუდვები, როგორიც არის დღეს მოქმედი საქართველოში, მაგრამ ეს ყვეალფერი ეფუძნება ძალიან მტკიცე მეცნიერულ საფუძვლებს", — განაცხადა იმნაძემ მაესტროს ეთერში.

იმნაძის განმარტებით, ამ შეზღუდვის მიზანია ადამიანებს შორის "არასაჭირო" კონტაქტების შეზღუდვა.

"ძალიან მნიშვნელოვანია იცოდეს ჩვენმა მოქალაქეებმა, რომ ღამე რომ არის აკრძალული, ეს რა არის. ადამიანები, რომლებსაც გადაუდებელი საქმე არ აქვთ და ღამის საათეებში გადაუდებელი საქმე, ნუ პრაქტიკულად არავის არ აქვს, გარდა ზოგიერთი პროფესიებისა. აქედან გამომდინარე, ეს არის ადამიანებს შორის არასაჭირო, არააუცილებელი კონტაქტების მინიმიზება. აი, ეს აზრი არის ყველა ამ შეზღუდვაში", — განაცხადა მან.

საკოორდინაციო საბჭოს გადაწყვეტილებით, 9 ნოემბრიდან დიდ ქალაქებში: თბილისში, ბათუმში, ქუთაისში, რუსთავში, ზუგდიდში, გორსა და ფოთში 22 საათიდან დილის 5 საათამდე გადაადგილება შეიზღუდა. შეზღუდვა ვრცელდება როგორც ქვეითად, ისე ტრანსპორტით და კერძო ავტომობილებით მოსიარულეებზე. ამ დადგენილების დარღვევის შემთხვევაში გათვალისწინებულია ჯარიმა 2 000 ლარის ოდენობით.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: