"იმ შემთხვევაში, თუ აშშ და მისი მოკავშირეები სირიის საჰაერო სივრცეში, მოსახლეობის დაცვის მიზნით, თვითმფრინავების მეშვეობით ისეთ ზონას უზრუნველყოფენ, სადაც ფრენა არ შეიძლება, რუსეთის პრეზიდენტს შეუძლია მათიჩამოგდების ბრძანება გასცეს", - ეს განცხადება აშშ-ს ეროვნული დაზვერვის ხელმძღვანელმა, ჯეიმს კლაპერმა გააკეთა. ინფორმაციას Ekhokavkaza ავრცელებს.

მისი აზრით, რუსეთი ამერიკული თვითმფრინავების განადგურებას იმ შემთხვევაში გადაწყვეტს, თუ მიიჩნევს, რომ ისინი მისი სახმელეთო ძალებისთვის საფრთხეს წარმოადგენს. კლაპერმა განმარტა, რომ რუსეთი საზენიტო-სარაკეტო სისტემებს სირიაში არ გაგზავნიდა, თუკი მათი გამოყენების ზრახვა არ ექნებოდა.

ზემოაღნიშნული ზონის იდეა პრეზიდენტ ბარაკ ობამას გარემოცვასა და პრესაში აქტიურად განიხილება. აშშ-ს პრეზიდენტობის კანდიდატი, ჰილარი კლინტონი მას მხარს უჭერს,რადგან მიიჩნევს, რომ ასეთი გადაწყვეტილება სირიის მშვიდობიან მოქალაქეებს დაიცავს და კონფლიქტის მოგვარებას შეუწყობს ხელს.

აშშ-ს დაზვერვის ყოფილი ხელმძღვანელი, მაიკლ ჰეიდენი CNN-თან ინტერვიუში კი ამბობს, რომ აღნიშნული იდეა გარკვეულ რისკებთანაა დაკავშირებული:

"ვართ კი მზად, ვიცხოვროთ მსოფლიოში, სადაც რუსები მზად არიან კონფრონტაციის რისკი თავის თავზე აიღონ მაშინ, როდესაც ჩვენ ვუთმობთ? დაფიქრდით, აღნიშნულის შედეგებზე".

იდეას ალტერნატივად სირიის ოპოზიციის იარაღით უზრუნველყოფა განიხილება, თუმცა, პრეზიდენტი ობამა ამის წინააღმდეგია.