29 სექტემბერს ვაკის პარკში ილიას სახელმწიფო უნივერსიტეტის ორგანიზებით საქართველოში მე-7 სამეცნიერო პიკნიკი ჩატარდება.

ღონისძიების მიზანია მეცნიერების პოპულარიზაცია, თანამედროვე მეცნიერების მიღწევების ნებისმიერი ასაკის დამთვალიერებლისთვის სახალისო და საინტერესო ფორმით წარმოჩენა. ილიაუნის სამეცნიერო პიკნიკი არის პირველი მასშტაბური ღონისძიება, რომელიც მეცნიერების პოპულარიზაციის მიზნით საქართველოში ჩატარდა.

წლევანდელი სამეცნიერო პიკნიკის თემა გაერთიანებული ერების მდგრადი განვითარების 17 მიზანია.

ორმოცამდე კარავში ღია ცის ქვეშ, საინტერესო ექსპერიმენტებს ჩაატარებენ, ინტერაქციულ გამოფენებსა და შემეცნებით-გასართობ პროგრამებს შემოგვთავაზებენ მეცნიერების პოპულარიზაციის ჯგუფები საქართველოდან და ევროპიდან; საჯარო და კერძო საგანმანათლებლო დაწესებულებები; არასამთავრობო, სახელმწიფო და კერძო ორგანიზაციები.

ღონისძიების მთავარი სცენა დღის პირველ ნახევარში მსოფლიოში აღიარებული სამეცნიერო შოუების ანიმატორებსა და სამეცნიერო თემატიკაზე შექმნილ წარმოდგენებს დაეთმობა.

მოეწყობა სამეცნიერო კაფე, სადაც ილიაუნის მეცნიერები წაიკითხავენ ლექციებს საინტერესო თემებზე.

სამეცნიერო პიკნიკის დასრულების შემდეგ, ტრადიციულად, ღონისძიების მთავარ სცენაზე წელსაც დავაჯილდოებთ ერთიან ეროვნულ გამოცდებზე წარმატებულ პირველკურსელებს.

დაჯილდოების შემდეგ მთავარ სცენაზე გაიმართება კონცერტი, რომელზეც დაუკრავენ:

ღონისძიება ფეიერვერკით დასრულდება.

სამეცნიერო პიკნიკის დეტალები იხილეთ ბმულზე.