სამეფო კარის თამაშების ფინალურ, მერვე სეზონში ტელევიზიის ისტორიაში ყველაზე მასშტაბური ბრძოლის სცენა იქნება.

როგორც სერიალის შემქმნელები ამბობენ, ამ ეპიზოდის გადაღებები 55 დღე გრძელდებოდა და ის ცოტა ხნის წინ დასრულდა.

"მართალია ამ სცენის გადაღება ძალიან შრომატევადი და დამქანცველი იყო, მაგრამ ეს ვის ადარდებს?! წარმოდგენაც კი არ გაქვთ ისეთი გრანდიოზული რამ გელოდებათ წინ", - ამბობს GOT-ის პროდიუსერი.

აღსანიშნავია, რომ აქამდე ტელევიზიის ისტორიაში ყველაზე მასშტაბური ბრძოლის სცენა ასევე GOT-ს ეკუთვნის, Battle of the Bastards-ის გადაღებები 25 დღის განმავლობაში გრძელდებოდა.

სამეფო კარის თამაშების ფინალურ, მერვე სეზონს მთელი მსოფლიო სულმოუთქმელად ელის.

როგორც შოუს შემქმნელები ამბობენ, სერიალის ფინალური სეზონი ძალიან მასშტაბურია, შესბამისად სწორედ ეს გახდა მიზეზი იმისა, რომ დასკვნით ნაწილს მხოლოდ და მხოლოდ 2019 წელს ვნახავთ.

აღსანიშნავია ისიც, რომ ფინალურ სეზონში წინა ნაწილებისგან განსხვავებით უფრო ხანგრძლვი, თუმცა მხოლოდ ექვსი ეპიზოდი იქნება.