Netflix-ზე, დევიდ ლეტერმანის ახალ შოუში My Guest Needs No Introduction [ჩემს სტუმარს წარდგენა არ სჭირდება] მეოთხე სტუმარი ამერიკელი მომღერალი Jay-Z იყო, რომელმაც ნეტფლიქსის შოუში თავის პირად ცხოვრებაზე ისაუბრა.

48 წლის რეპერმა ის მომენტი გაიხსენდა, როცა მისი დედა მასთან დაქამინგაუთდა და უთხრა, რომ ლესბოსელი იყო.

ჯეი-ზის თქმით, დედის სექსუალური ორიენტაციის შესახებ მანამდეც იცოდა, თუმცა ამის შესახებ ის მას პირველად 8 თვის წინ ესაუბრა ღიად. მუსიკოსი იხსენებს, რომ როდესაც გაიგო, რომ დედამისი თავისუფალი იყო და საბოლოოდ სიყვარული იპოვა, ბედნიერებისგან ტიროდა:

"წარმოიდგინეთ, მთელი ცხოვრება იმას თამაშობდე, ვინც არ ხარ. და ამას შენს თავთან შვილების დაცვით ამართლებდე. დედაჩემი იმ ადამიანის ცხოვრებით ცხოვრობდა, რომელიც თვითონ არ იყო და საკუთარ თავს მალავდა, მთელი დრო ეშინოდა, რომ მის გამო სირცხვილს ვიგრძნობდით.

ის ჩემს წინ იჯდა და მითხრა 'მგონი, შეყვარებული ვარ'. მთელი გულით ავტირდი. ძალიან ბედნიერი ვიყავი, რომ საბოლოოდ გათავისუფლდა".

ჯეი-ზი დედის და ამის შესახებ მღერის თავისი ბოლო ალბომის, 4:44, რიგით მესამე სიმღერა Smile-ში.

ლეტერმანის შოუ ჯეი-ზის ეპიზოდით ნეტფლიქსზე 6 აპრილს გამოვა.