სტივენ სპილბერგი ნამდვილად არ მიეკუთვნება იმ რეჟისორების რიცხვს, რომლებსაც შეუძლიათ წლობით ისხდნენ და ელოდონ როდის შესთავაზებენ ახალ პროექტზე მუშაობას. 2017 წლის ერთ-ერთი ყველაზე წარმატებული ფილმის, The Post, შემდეგ, სპილბერგმა თქვა, რომ საკულტო პერსონაჟად ქცეული ინდიანა ჯონსის შესახებ მეხუთე ფილმი უკვე მზადების პროცესშია.

რეჟისორმა აღნიშნა, რომ ჯონსის შესახებ ახალი ფილმი სავარაუდოდ 2020 წლის 10 ივლისს გამოვა.

როგორც ჩანს, რეჟისორს დიდი გეგმები აქვს, ამას მოსწმობს ისიც, რომ, შესაძლოა, ინდიანა ჯონსის პერსონაჟად ქალი მოგვევლინოს.

"დადგა დრო ჯონსმა ახალი ფორმა მიიღოს და არაფერია იმაში ცუდი, თუ ფილმში მთავარი პერსონაჟი ქალი იქნება. ვნახოთ რა გამოვა, ჯერ გადაწყვეტილი არაფერია", - ამბობს სპილბერგი.

ინდიანა ჯონსის როლს აქამდე ჰარისონ ფორდი ასრულებდა, ცნობილია ისიც, რომ მომდევნო, მეხუთე ფილმშიც მას ვიხილავთ, შესაბამისად ამ ეტაპზე უცნობია როდის იგეგმება ინდიანა ჯონსის პერსონაჟის ქალად გადაქცევა.