70 წლის ამერიკელ მსახიობს, არნოლდ შვარცნეგერს გულზე სასწრაფო ოპერაცია ჩაუტარეს.

კალიფორნიის ყოფილი გუბერნატორი სამედიცინო ცენტრში გულზე დაყენებული სარქველის შესაცვლელად მივიდა. სწორედ ამ დროს ექიმებმა გადაწყვიტეს, რომ მისთვის სასწრაფო ოპერაცია ჩეტარებინათ.

გულზე ჩატარებული ქირურგიული პროცედურა ლეგენდარულმა მსახიობმა კარგად გადაიტანა და მეტიც, ნარკოზიდან გამოსვლის დროს იუმორის გრძნობაც არ დაუკარგავს.

როგორც შვარცნეგერის აგენტმა დაწერა, მისი პირველი სიტყვები ტერმინატორის ლეგენდარული, თუმცა ოდნავ სახეცვლილი ფრაზა - I'm back (მე დავბრუნდი) იყო.

“შვარცნეგერმა გაიღვიძა და მისი პირველი სიტყვები ნამდვილად I'm back იყო, ასე რომ, ის კარგ განწყობაზეა“, - წერს მსახიობის აგენტი.