ჰოლივუდის ამომავალ ვარსკვლავ ტიმოთი შალამეს 2017 წელი ნამდვილად ტრიუმფალური ჰქონდა.

ყველაფერს რომ თავი დავანებოთ, ოქროს გლობუსის, ოსკარისა და ბაფტას ნომინაციები უკვე ყველაფერზე მეტყველებს.

თუმცა შალამეს ყველაფერი ჯერ კიდევ წინ აქვს.

სულ მალე ის ნეტფლიქსის ფილმში The King, ინგლისის მეფის ჰენრი V-ის როლს შეასრულებს.

ჰენრი V ლანკასტერი 1413 - 1422 წლებში მეფობდა. სწორედ მან განაახლა ე.წ. ასწლიანი ომი და ზავი დადო კარლ მეექვსესთან, რომლის მთავარი პირობაც ის იყო, რომ საფრანგეთის მეფე გახდებოდა ჰენრი, როგორც კი საფრანგეთის მეფე მოკვდებოდა.

ჯერ-ჯერობით უცნობია როდის გამოვა ფილმი.