ლეგენდარული მსახიობი მარლონ ბრანდო და კომიკოსი რიჩარდ პრაიორი საყვარლები იყვნენ, ამის შესახებ ინფორმაცია პრაიორის ქვრივმა ჯენიფერმა დაადასტურა.

თუმცა მანმდე მსახიობისა და კომიკოსის ურთიერთობაზე ღიად ლეგენდარული მუსიკოსი ქუინსი ჯონსი ალაპარაკდა, Vulture-სთვის მიცემულ ინტერვიუში მუსიკოსმა ბრანდოს პირადი ცხოვრება განიხილა.

"ბრანდო ყველაზე მიმზიდველი კაცი იყო ვინც კი შეიძლება ოდესმე შეგხვედროდათ. მას შეეძლო ყველასთან ჰქონოდა სექსი, საფოსტო ყუთთანაც კი. ის ყველასთან იწვა - ჯეიმს ბოლდვინთან, რიჩარდ პრაიორთან, მერვი გეისთან და ა.შ.", - ყვება ქუინსი ჯონსი.

რიჩარდ პრაიორი, მერვი გეი და ჯეიმს ბოლდვინი

რიჩარდ პრაიორი, მერვი გეი და ჯეიმს ბოლდვინი

მუსიკოსის განცხადების შემდეგ, პრაიორის ქვრივმა, ჯენიფერმაც დაადასტურა ეს ამბავი და აღნიშნა, რომ მისი ქმარი არასოდეს მალავდა თავის ბისექსუალობას მეგობრებში და არც იმის შერცხვებოდა, თუკი ეს ამბავი გასაჯაროვდებოდა.

"1970-იანი წლები იყო! ნარკოტიკები ჯერ კიდევ კარგი იყო. საკმარის კოკაინს თუ გაიკეთებდი, რადიატორსაც კი იხმარდი და დილით, ყვავილებსაც კი გაუგზავნიდი", - ყვება პრაიორის ქვრივი.

აღსანიშნავია, რომ მარლონ ბრანდომ თავის სექსუალურ ორიენტაციაზე ღიად ჯერ კიდევ 1976 წელს ისაუბრა.

"როგორც კაცების უმრავლესობას, რა თქმა უნდა, მეც მქონია ჰომოსექსუალური გამოცდილება და ამის არ მრცხვენია. ყურადღება არასოდეს მიმიქცევია თუ რას ფიქრობდნენ ჩემზე სხვები. მაგრამ, თუ ვინმე ხმებს ავრცელებს, თითქოს მე და ჯეკ ნიკოლსონი საყვარლები ვართ, გამიხარდება თუ ამას გააგრძელებენ", - ამბობდა მარლონ ბრანდო.