თბილისში კომიქსების ახალი მაღაზია გაიხსნა, რომელიც DC-ს, Marvel-ის, IDW-ის, Dark Horse-ის, Boom-ის და სხვა უცხოური გამომცემლობის კომიქსებს გთავაზობთ.

მაღაზიაში თქვენს საყვარელ გმირებზე მე-20 საუკუნის ვინტაჟურ კომიქსებსაც შეხვდებით.

როგორც ფეისბუკის გვერდზე ვკითხულობთ, ახალი მაღაზიის მთავარი მიზანი კომიქსების ქართველი მოყვარულებისთვის კომფორტის შექმნაა - მათ აღარ მოუწევთ სანუკვარი კომიქსების ონლაინ წაკითხვა ან უცხოეთიდან გამოწერა:

"ვეცდებით მაქსიმალურად დაბალ ფასებში მივაწოდოთ ჩვენს მომხმარებლებს კომიქსები, გრაფიკული ნოველები, მანგა, კომიქსების აქსესუარები და ფენტეზის სამყაროსთან დაკავშირებული სხვა პროდუქცია".

მაღაზია ჯერჯერობით ონლაინ ფუნქციონირებს. მისი ფეისბუკის გვერდის მიხედვით, კომიქსები ამ დროისთვის მხოლოდ ინგლისურ ენაზე აქვთ, თუმცა სამომავლოდ, მომხმარებლებისთვის არჩევანს გაზრდიან.

თუ კომიქსები გიყვართ, გადაავლეთ თვალი და შესაძლოა თქვენთვის საოცნებო 90-იანი წლების კომიქსებსაც გადააწყდეთ.

განახლება: სტატიის პირველი ვერსიის სათაური იყო "თბილისში კომიქსების პირველი მაღაზია გაიხსნა". დაზუსტებული ინფორმაცია სტატიაში აისახა.