ბრიტანული ჯაზის ლეგენდამ, Joss Stone-მა თავის ფეისბუქ გვერდზე სალომე კორკოტაშვილთან (SALIO) ერთად გადაღებული ვიდეო დადო. ვიდეოში ქართველი მომღერალი ინგლისელ ჯაზვუმენთან ერთად საკუთარ სიმღერას ასრულებს. ჯოსს სტოუნი ფეისბუქზე გამოქვეყნებულ ვიდეოში აღნიშნავს, რომ ვიდეო საქართველოში მისი ვიზიტის დროს გადაიღეს, როცა მომღერალი Black Sea Jazz Festival-ში მონაწილეობდა.

„შარშან, ივლისში, ნიჭიერი და შესანიშნავი ვოკალისტი, სიმღერების ავტორი და მომღერალი, SALIO გავიცანი, რომელიც წარმოშობით თბილისიდანაა. ნანგრევებში, რომელიც ოდესღაც ციხე-სიმაგრე იყო, რაღაც ძალიან განსაკუთრებული გრძნობა იყო სიყვარულზე მღერა. საოცარი ხმა, ძალიან ლამაზი ადამიანისგან. მადლობა SALIO ჩვენი დღის გალამაზებისთვის“, - წერს ინგლისელი მუსიკოსი.

Joss Stone ცნობილი ინგლისელი ჯაზვუმენია, რომელსაც სხვადასხვა დროში არაერთი ჰიტი აქვს შექმნილი. გრემის, BRIT AWARD-ისა და მრავალი პრესტიჟული მუსიკალური ჯილდოს მფლობელმა ცნობილმა ბრიტანელმა მომღერალმა ჯოს სთოუნმა (Joss Stone) წარმატებული მუსიკალური კარიერა 2003 წლიდან დაიწყო, მაშინ, როდესაც მუსიკოსის სადებიუტო მულტი-პლატინის ალბომი The Soul Sessions ბრიტანული პრესტიჟული დაჯილდოების Mercury Prize შორთ-ლისტში მოხვდა. მომღერლის მომდევნო მულტი-პლატინის ალბომს Mind Body & Soul წარმატება ასევე სწრაფად ხვდა წილად და გამოსვლიდან ერთი კვირის განამვალობაში ბრიტანული ჩარტების მოწინავე პოზიციებს არ თმობდა. აღნიშნულ ალბომში შესულმა ჰიტმა „YOU HAD ME“ ჯოს სთოუნს გრემის ჯილდო მოუტანა.