კიმ კარდაშიანს სურს, რომ ვალენტინობის დღეს საჩუქრები მხოლოდ მეგობრებს კი არა, მტრებსაც გაუგზავნოს.

და ვინ მოხვდებოდა ამ ე.წ. ჰეითერების სიაში, თუ არა ტეილორ სვიფტი. მის გვერდით არიან მომღერალი პინკი, მსახიობი ბეტი მიდლერი, კარდაშიანის ძმის ყოფილი ცოლი ბლექ ჩაინა და სხვები.

საჩუქრის ყუთში დიდი შოკოლადის გული დევს, მასთან ერთად კი მისი გასატეხი პატარა ხის ჩაქუჩი. შოკოლადის გულის შიგნით კი, კიმის ახალი ხაზის პარფიუმერია დევს.

"ჩამოვწერე სია იმ ადამიანების ვისაც ვუყვარვარ და ვინც ვერ მიტანენ და გადავწყვიტე, რომ ამ ვალენტინობის დღეს საჩუქრები ყველა იმ ადამიანს გავუგზავნო, ვისზეც ვფიქრობ. რადგან ბოლოს და ბოლოს, ეს ვალენტინობის დღეა" - ამბობს კიმი ინსტაგრამის სთორიში განთავსებულ ვიდეოში.