14 წლის ვეშაპი, სახელად ვიკი, თუთიყუშზე არანაკლებ ნიჭიერია, როცა საქმე ადამიანის ხმების იმიტაციას ეხება.

რამდენიმე ვარჯიშის შემდეგ, ის თავის მწვრთნელთან ერთად ისეთ სიტყვებს იმეორებს, როგორიცაა Hello [გამარჯობა], Bye [ნახვამდის] და სხვა.

პირველი ვარჯიშისას, ვიკის ხელის სიგნალით მიანიშნეს, რომ გაგონილი ხმა გაემეორებინა. ამ სიგნალს, მწვრთნელები წყლიდან მის ამოსახტომად იყენებდნენ. შემდეგ მას მოასმენინეს სხვა ვეშაპების 5 ხმა, რომლებიც მას მანამდე არასდროს გაუგია. მეექვსე ხმა უკვე მისი მწვრთნელის ნათქვამი სიტყვა იყო.

ვეშაპს სულ 17 მცდელობა დასჭირდა ამ შედეგის მისაღებად, თუმცა რამდენიმე სიტყვა 4 მცდელობაშიც წარმატებით გაიმეორა. მათ შორის Hello და One, Two, Three [ერთი, ორი, სამი].

სხვადასხვა სახეობის ვეშაპებს განსხვავებული დიალექტი აქვთ. მეცნიერები ფიქრობენ, რომ, ერთმანეთთან კომუნიკაციაში, ვეშაპებს ხმის გამეორებისა და დასწავლის ეს გზა დაეხმარებათ.