რუსეთში აკრძალული ბრიტანული ფილმი, The Death of Stalin საქართველოს კინოთეატრებში პირველი თებერვლიდან გამოვა.

ფილმის სიუჟეტი ფრანგულ გრაფიკულ ნოველაზე არის დაფუძნებული და ის სტალინის სიცოცხლის ბოლო დღეებსა და მისი გარდაცვალების შემდეგ შექმნილ ქაოსს შეეხება.

ფილმში მონაწილეობას რუპერტ ფრენდი, სტივ ბუშემი (ნიკიტა ხრუშჩოვი), საიმონ რასელ ბეილი (ლავრენტი ბერია) და ჯერარდ ლეპკოვსკი (ლეონიდ ბრეჟნევი) იღებენ.

როგორც მოსკოვის კულტურის სამინისტრო ამბობს, კომედია, The Death of Stalin, რუსეთის წინააღმდეგ დაგეგმილი პროვოკაციაა, რომელიც ქვეყანაში დესტაბილიზაციას შეუწყობს ხელს. სწორედ ამიტომ რუსეთმა ფილმის ჩვენებაზე უარი თქვა.

აკრძალვის გადაწყვეტილება მას შემდეგ მიიღეს, რაც რუსეთში რამდენიმე კონსერვატიული შეხედულებების მქონე ცნობილმა პიროვნებამ ფილმის ჩვენებასთან დაკავშირებით უკმაყოფილება გამოთქვა.

რუსეთის კულტურის სამინისტროს განცხადებაში წერია, რომ ფილმი ანტირუსული საინფორმაციო ომის ნაწილია და ის მხოლოდ სტალინის ფიგურის დისკრედიტაციას ემსახურება.