1990-2000-იანი წლების საკულტო ამერიკელი მოდელი, დებრა შო თბილისში ჩამოდის. ის ორდღიანი სამუშაო ვიზიტით სპეციალურად ჟურნალ AMARTA-ს სტუმრობს და თებერვლის თვეში მის ყდაზე გამოჩნდება.

დებრა გადასაღებ მოედანზე ათამდე ქართველი დიზაინერის მიერ შექმნილ კოსტიუმს მოირგებს. ამერიკელ პერფორმერ-მოდელს ფოტოგრაფი, გრეგორ დევეჯიევი გადაიღებს.

დებრა შო 1990-2000-იანი წლების ერთ-ერთი საკულტო მოდელია, რომელმაც მსოფლიოს თავი უნიკალური გარეგნობის გარდა, ექსტრავაგანტული წარმოდგენებით დაამახსოვრა. ამერიკელი სუპერ მოდელი არაერთხელ გამხდარა დიზაინერების: ალექსანდრ მაკქუინისა დაჟან პოლ გოტიეს მუზა. წლების განმავლობაში თანამშრომლობდა მსოფლიო მოდის გამორჩეულ სახლებთან და დიზაინერებთან, როგორებიცაა - კარლ ლაგერფილდი, კენზო, ივ სენ ლორენი, ვივიენ ვესტვუდი, ვერსაჩე და ვალენტინო.

41 წლის დებრა შო, რომელიც დღესდღეობით მხოლოდ ექსკლუზიურ ჩვენებებში იღებს მონაწილეობას, ჟურნალი AMARTA-ს მომავალი ნომრის გარეკანზე, უტა ბექაიას კოსტიუმში გამოჩნდება.