როგორი რუკა აღარ უნახავს კაცობრიობას - პოლიტიკური, ფიზიკური, დემოგრაფიული და კიდევ ათასნაირი, მაგრამ მუსიკალური რუკის შესახებ აქამდე არაფერი იყო ცნობილი. ჟურნალმა The Pudding გამოაქვეყნა რუკა, რომელზეც Youtube-ზე დაგროვებული ნახვების მიხედვით ნაჩვენებია, თუ რა სიმღერებს უსმენენ ყველაზე ხშირად ამა თუ იმ ქვეყანასა და ქალაქში.

რუკაზე საქართველო და მისი ოთხი ქალაქიც მოხვდა. გვინდა აქედანვე შეგამზადოთ და გაგაფრთხილოთ, რომ შედეგები იმედებს გაგიცრუებთ, ამიტომ კარგად მოემზადეთ.

მაშ ასე, მზად ხართ?

მერე არ თქვათ, რომ არ გაგვიფრთხილებიხართ...

საქართველოში ყველაზე პოპუპულარული სიმღერა, არც მეტი და არც ნაკლები, Despacito გახდა. სიმღერამ მთელი საქართველოს მასშტაბით 1 495 000-ზე მეტი ნახვა დააგროვა.

გაგიკვირდათ?

ფოტო: Giphy

...ჯერ სად ხართ.

ამ რუკის მიხედვით, დასავლეთ საქართველოში, კერძოდ ზუგდიდში ყველაზე პოპულარული სიმღერა ისევ Despcatio გახდა. როგორც ჩანს, სამეგრელოში ლუის ფონსი დიდი პოპულარობით სარგებლობს. მან ზუგდიდიდან 25 000-ზე მეტი ნახვა დააგროვა.

ფოტო: Giphy

აღმოჩნდა, რომ Despacito აჭარაში უფრო ყვარებიათ. ეტყობა, ზაფხულში ბევრ რესტორანში ირწეოდა ადამიანების სხეულის ნაწილები ლუის ფონსის სიმღერაზე. საქართველოს ყველაზე პოპულარულმა საზღვაო კურორტმა Despacito-ს 120 000-ზე მეტი ნახვა აჩუქა.

ქუთაისი და თბილისი

განსხვავებული მდგომარეობაა თბილისსა და ქუთაისში, თუმცა განსხვავებული არ ნიშნავს უკეთესს. ამ რუკის მიხედვით, თბილისსა და ქუთაისში ყველაზე ხშირად სრულიად აუხსნელ მუსიკალურ მოვლენას უსმენენ. დიახ, საპარლამენტო ქალაქმა და დედაქალაქმა, ყველაზე ხშირად Alex Mica-ს Dalinda-ს მოუსმინა.

თბილისიდან Dalinda-მ 1 000 000-მდე, ხოლო ქუთაისიდან 115 000-მდე ნახვა დააგროვა.

რა გითხრათ, რით გაგახაროთ?

ფოტო: The Pudding

თუ ოდნავ მაინც დაგამშვიდებთ ეს ინფორმაცია, გეტყვით, რომ ნიუ-იორკში, სადაც უამრავი დიდებული მომღერალი მოღვაწეობს, ყველაზე ხშირად GUMMO-ს უსმენენ. ამ სიმღერამ ნიუ-იორკიდან 6 000 000-მდე ნახვა დააგროვა.