ძნელი დასაჯერებელია, მაგრამ Breaking Bad-ის პრემიერიდან უკვე 10 წელი გავიდა. მას შემდეგ უამრავი სატელევიზიო პროდუქტი ვიხილეთ, მაგრამ AMC-ის საკულტო შოუს მაინც განსაკუთრებული ადგილი უჭირავს სატელევიზიო სივრცეში.

ბრაიან კრენსტონი, რომელიც სერიალში მთავარ როლს ასრულებს, PeopleTV-სთან საუბარში Breaking Bad-ზე მუშაობის პერიოდს იხსენებს:

"ყველაზე მეტად ჯეინის სიკვდილის სცენის გადაღება გამიჭირდა. ვოლტი უყურებს, როგორ კვდება ჯეინი და არაფერს აკეთებს მის დასახმარებლად. ერთ მომენტში მის ნაცვლად ჩემი საკუთარი შვილი დავინახე და მერე ეს სურათი წამიერად გაქრა. ეს ერთი წამიც საკმარისი იყო იმისთვის, რომ თავი საშინლად მეგრძნო. ვიფიქრე, რომ მის გადასარჩენად მხოლოდ ისიც უნდა ყოფილიყო საკმარისი, რომ ის ახალგაზრდა ქალი იყო, ჩემი შვილის მსგავსად".