დონალდ ტრამპის ამერიკის პრეზიდენტობიდან ერთი წელი გავიდა. ამერიკელმა კომიკოსმა ჯიმი კიმელმა, გადაწყვიტა ბავშვების აზრი მოესმინა აშშ-ს 45-ე პრეზიდენტზე.

"მე ვფიქრობ, რომ დონალდ ტრამპი მშვენივრად უძღვება საქმეს. მან მსოფლიო ჰარმონიისგან იხსნა" - ამბობს ერთი ბიჭი.

"მე არ მომწონს ტრამპის მუშაობა, მას უნდა მექსიკას კედელი შემოავლოს, მე კი მექსიკაში მოგზაურობა მიყვარს" - ამბობს მეორე გოგო.

"ის არაა ჭკვიანი, რადგან ადამიანებს ცუდად ექცევა და ამიტომაც არ მგონია, რომ ჭკვიანი იყოს" - ამბობს მესამე.

ერთ ბიჭს, ტრამპის გაგონებისას თავში პირველი რაც მოსდის, "პატარა თითები და სტაფილოსფერი სახეა". პატარა გოგოს კი "პრინცესების ფოტოები" ახსენდება. ერთი ბავში ფიქრობს, რომ ტრამპმა ჩრდილოეთ კორეაზე მუქარას თავი უნდა დაანებოს.