ჰარვი ვაინშტაინის გახმაურებული საქმის შემდეგ, უამრავმა ქალმა დაადანაშაულა ჰოლივუდის ყოფილი პროდიუსერი სექსუალურ შევიწროებაში.

ფელისიტი ჰოფმანი 2006 წლის ოქროს გლობუსზე მარჩეზას კაბაში.

ფოტო: Jeff Kravitz / FilmMagic

იყვნენ მსახიობებიც, რომლებიც ამბობდნენ, რომ წითელ ხალიჩაზე, ვაინშტაინი მათ მისი ყოფილი ცოლის ბრენდის, მარჩეზას სამოსის მორგებას აიძულებდა.

ამ მსახიობებს შორის იყო ფელისიტი ჰოფმანიც. სასოწარკვეთილი დიასახლისების მსახიობმა გასულ წელს თქვა, რომ ვაინშტაინი მას კარიერის დასრულებით დაემუქრა, თუ Transamerica-ს პრემიერაზე მარჩეზას კაბას არ მოირგებდა.

იგივე გამოცდილება ჰქონდა ჯესიკა ჩესტეინს, თუმცა 2013 წელს, კანის ფესტივალზე The Disappearance of Eleanor Rigby-ის პრემიერაზე, ამერიკელმა მსახიობმა მაინც ის კაბა მოირგო, რაც თავად სურდა და არა ჰარვი ვაინშტაინს.

კესიკა ჩესტეინი ვერსაჩეს ლურჯ კაბაში. 2013 წელი. კანის ფესტივალი.

ფოტო: Getty Images

ჯესიკა ჩესტეინი იხსენებს, რომ კანის ფესტივალზე ვერსაჩეს ლურჯი კაბა აირჩია, რამაც ვაინშტაინის უკმაყოფილება გამოიწვია და სხვა მსახიობების წინაშე წარდგენისას, მის სიჯიუტეს გაუსვა ხაზი:

"რომ მომიწიოს რინგზე მუჰამედ ალის და ჯესიკა ჩესტეინს შორის მოწინააღმდეგის არჩევა, მუჰამედ ალის ავირჩევდი" - თქვა ვაინშტაინმა.

ჩესტეინის თქმით, 5 წლის შემდეგაც უცვლელად ახსოვს, თუ როგორ გააცნო მისი თავი ვაინშტაინმა კოლეგებს.

ვაინშტაინის მოთხოვნა უარყო კერი ვაშინგტონმაც და 2013 წელს, ოსკარზე მიუ-მიუს კაბა ჩაიცვა. შეიძლება ითქვას, რომ ვაინშტაინის ტაქტიკამ ამ ქალებზე არ იმოქმედა და მათი წარმატება კი უტკბესი შურისძიებაა.

კერი ვაშინგტონი Miu Miu-ს კაბაში. ოსკარი, 2013.

ფოტო: Getty Image