გავლენიანი გამოცემა Variety-ის კინოკრიტიკოსი დენის ჰარვი ზაზა ურუშაძის ახალ ფილმს "აღსარება" აკრიტიკებს და ამბობს, რომ რეჟისორმა იმედები გაუცრუვა.

"ყველას აქვს ერთი შეცდომის დაშვების უფლება, უბრალოდ ძალიან ცუდია, რომ ურუშაძეს მოუწია თავის მაღალ ცნობადობასთან ერთად მიჰყოლოდა ერთ მიმათულებას და იმის ნაცვლად რომ მაყურებლის ყურადღება მნიშვნელოვან თემებზე გაემახვილებინა, იმედი გაგვიცრუა და პირიქით გააკეთა", - წერს ავტორი.

კინოკრიტიკოსი იმასაც აღნიშნავს, რომ ფილმი გაურკვეველი და სასაცილოა.

"თუ გვერდზე გადავდებთ სულიერებას, რომლითაც გაჯერებულია ფილმის ატმოსფერო, კლასიკური ფილმების ნოსტალგიასა ("ვერტიგო", ჩაპლინის "ბავშვი" და ა.შ.) და მთავარ გმირს, რომელიც მერლინ მონროს მამი ვან დორენზე ოდნავ ნაკლებად ჰგავს, "აღსარება" მიზანს ვერ აღწევს. რაც არ უნდა იყოს ურუშაძის სათქმელი, ის ძალიან გაურკვეველი და ცოტა არ იყოს, სასაცილოა.

ეს სამწუხაროა, რადგან მისმა პარტნიორებმა აშკარად ბევრი იშრომეს. მსახიობები იმაზე კარგად თამაშობენ, ვიდრე სცენარი იმსახურებს (ხვედელიძე არაჩვეულებრივიც კია), თვითონ სურათიც არ არის ცუდი, მიუხედავად იმისა, რომ ფილმი ძირითადად ჩაბნელებულია და ინტერიერის სცენები "მანდარინებთან" ახლოსაც ვერ მივა", - წერს დენის ჰარვი.

ზაზა ურუშაძის ახალი ფილმის სიუჟეტი ბერის ირგვლივ ვითარდება, რომელსაც ერთ-ერთ სოფელში ეკლესიის წინამძღვრად ანაწილებენ. ბერის როლს მსახიობი დიმიტრი ტატიშვილი ასრულებს.

ფილმში ასევე მონაწილეობენ - ნატა მურვანიძე, იოსებ ხვედელიძე და დარეჯან ხარშილაძე.