ინდოეთის ერთადერთმა ღიად გეი პრინცმა, მანვენდრა საინ მოჰილმა განაცხადა, რომ თავის სასახლეში ლგბტქ პირებისთვის თავშესაფარს გახსნის.

პრინცმა სასახლე მემკვიდრეობით მიიღო.

"ადამიანები ოჯახებში კვლავ უდიდეს წნეხს განიცდიან თავისი სექსუალური ორიენტაციის გამო. როდესაც ისინი ამაზე საუბრობენ, ქორწინებას აიძულებენ ან სახლებიდან აგდებენ. მათ კი წასასვლელი არსად აქვთ და მხარდაჭერის გარეშე რჩებიან. მე არ ვაპირებ შვილების ყოლას და ვიფიქრე, რატომ არ უნდა გამომეყენებინა ჩემი სასახლის სივრცე კარგი მიზნისთვის?" - ამბობს ის.

მოჰილის გადაწყვეტილება მნიშვნელოვანია კულტურული კონტექსტის გათვალისწინებითაც. ინდოეთში ერთნაირსქესიანთა ურთიერთობები არალეგალურად მიიჩნევა და ჰომოსექსუალები სტიგმის ქვეშ ცხოვრობენ.

როდესაც თავად პრინცი დაქამინგაუთდა, მოქალაქეებმა მისი პორტრეტები დაწვეს. ინდოეთში ლგბტქ თემის წარმომადგენლები მოწყვლად ჯგუფს წარმოადგენენ, რომლებიც უსახლკაროებად რჩებიან, ან ღირსების მკვლელობისგან თავის დასახსნელად, ქვეყნიდან გაქვცევა უწევთ.

სასახლეში შექმნილ ცენტრში პრინცი ლგბტქ თემის წევრებს ოთახებს შესთავაზებს. მათ გაუწევენ სამედიცინო დახმარებას და შიდსის შესახებ ინფორმაციას მიაწვდიან. ისინი ასევე პროფესიულ ტრენინგებს გაივლიან.

ფოტო: CHELSEA GULIELMINO