კიმ კარდაშიანსა და კანიე ვესტს მესამე შვილი შეეძინათ. ამის შესახებ, წყვილმა ინფორმაცია სამშაბათს გაავრცელა.

წყვილის მესამე შვილი გოგოა, რომელიც სუროგატმა გააჩინა.

"მე და კანიე ბედნიერები გატყობინებთ, რომ ჩვენი ლამაზი, ჯანმრთელი პატარა გოგო დაიბადა. ძალიან მადლიერები ვართ სუროგატის, რომელმაც ჩვენი ოცნებები აასრულა, ამ საოცარი საჩუქრით და მადლობას ვუხდით საოცარ ექიმებსა და ექთნებს, განსაკუთრებული ზრუნვისთვის" - წერია კიმ კარდაშიანის საიტზე.

მშობიარობისას კიმ კარდაშიანი პალატაში იყო და ის პირველი იყო, ვისაც ახალშობილთან კანის კანთან კონტაქტი ჰქონდა.

კანიე ვესტი და კიმ კარდაშიანი 2014 წელს დაქორწინდნენ. მათ კიდევ ორი შვილი ჰყავთ, ნორზი და სეინტი.