მექანიკური საათი უამრავი ადამიანისთვის პირველი არჩევანია, თუმცა თანამედროვე ტექნოლოგიები არჩევანის საშუალებას ნაკლებად იძლევა. თუ გინდა, რომ შენი საათი ჩვენი დროის გამოწვევებს პასუხობდეს და ამავდროულად ელეგანტურობას ინარჩუნებდეს, მაშინ არჩევანის გაკეთება ერთ-ერთზე მოგიწევს.

ყოველშემთხვევაში, აქამდე ნამდვილად ასე იყო. კომპანია Ressence-მ Nest-ის დიზაინერების დახმარებით, ახალი საათი შექმნა. Type 2 e-Crown მექანიკური საათია, რომელიც ძველებური კონცეფციისა და თანამედროვე ტექნოლოგიების სინთეზს წარმოადგენს. ამ მექანიკური საათის მართვა ძალიან მარტივია. ეკრანზე თითის ორჯერ დაჭერით, საათის სისტემა იღვიძებს და მუშაობას იწყებს, ხოლო ერთი დაჭერით მენიუში შესვლაა შესაძლებელი.

ამ საათის ერთ-ერთი მთავარი პლუსი ისაა, რომ მას iPhone-სთან დაკავშირება შეუძლია. ამ თვისების წყალობით, საათზე დროისა და თარიღის დაყენება მექანიკურად აღარ ხდება. როგორც კი საათი ტელეფონს უკავშირდება, ყველა მონაცემი ავტომატურად სწორდება. მათ შორის, iPhone-ს დახმარებით, საათზე თქვენი გეოგრაფიული მდებარეობის განსაზღვრაცაა შესაძლებელი.

ამ საათის შეძენა ჯერჯერობით არ არის შესაძლებელი, თუმცა როგორც მწარმოებელი ამბობს, გაყიდვები 2018 წელს აუცილებლად დაიწყება. შესაძლოა, ეს საათი გახდეს ტექნოლოგიის განვითარების საწინდარი და მომავალში Smart Watch-ების მწარმოებლებმაც დაიწყონ თანამედროვე მექანიკური საათის წარმოება.