ორი ოსკარის მფლობელმა ლეგენდარულმა ბრიტანელმა მსახიობმა, მეგი სმიტმა იმ სტუდენტების დასახმარებლად, რომლებსაც სწავლის ფული არ აქვთ $1,5 მილიონი გადარიცხა.

სპეციალურად მოწყობილ საქველმოქმედო საღამოზე, რომელიც ინგლისელმა მსახიობმა და თეატრის რეჟისორმა, დერეკ ჯაკობიმ მოაწყო, მეგი სმიტი სიტყვითაც გამოვიდა.

"შეიძლება ვალდებულები არ ვართ, რომ ადამიანებს, რომლებსაც მსახიობობა უნდათ და ფული არ აქვთ დავეხმაროთ, მაგრამ ეს უნდა გავაკეთოთ. თუნდაც იმიტომ, რომ წლების წინ შესაძლოა ამ ადამიანების ადგილზე ჩვენ ვყოფილიყავით. თუ გვაქვს რატომ არ უნდა დავეხმაროთ? თუ შეგვიძლია ვიღაც უფრო ბედნიერი და წარამტებული გახდეს რატომ არ უნდა გავაკეთოთ ეს?", - თქვა სმიტმა.

მეგი სმიტი ყველა დროის ერთ-ერთ უდიდეს მსახიობად ითვლება, მართალია ახალგაზრდებმა მის შესახებ ძირითადად ჰარი პოტერში შექმნილი მინერვა მაკგონაგლის პერსონაჟით შეიტყვეს, მაგრამ ამას ვინ ჩივის?! სხვა თუ არაფერი, მხოლოდ ამის გამო მაინც იმსახურებს უკვდავყოფას ჩვენს გულსა და გონებაში. Piertotum Locomotor.