აშშ-ს პრეზიდენტი დონალდ ტრამპი ასტრონავტებს მთვარეზე გააგზავნის. თეთრ სახლში Space Policy Directive 1-ს ხელი მოაწერა, რომელიც ნაციონალურ კოსმოსურ პროგრამაში ცვლილებებს მოიცავს. კონკრეტულად, აშშ-ს მეთაურობით, კერძო სექტორთან ერთად ინტეგრირებული პროგრამებით, იგეგმება ადამიანების მთვარეზე დაბრუნება, რომელსაც მოჰყვება უფრო შორეული მისიები, მათ შორის, მარსზეც.

პროგრამა ნასას ავალებს, რომ "უხელმძღვანელოს გამოკვლევის ინოვაციურ და ხარისხიან პროგრამას კომერციულ და საერთაშორისო პარტნიორებთან ერთად, რათა ადამიანებს საშუალება მისცეს, იმოგზაურონ მზის სისტემის გარშემო და დედამიწაზე ახალი ცოდნა და შესაძლებლობები ჩამოიტანონ“.

როგორც აშშ-ში მიიჩნევენ, აღნიშნული პროგრამის საშუალებით შესაძლებელი იქნება მთავრობის, კერძო სექტორისა და საერთაშორისო პარტნიორების ერთობლივი ძალებით, მისიები მოხვდეს მთვარეზე. აღნიშნული პროგრამის საბოლოო მიზანიც მარსის გამოკვლევაა.

„დირექტივა, რომელსაც დღეს ვაწერ ხელს, განაახლებს ამერიკის კოსმოსურ პროგრამას - ადამიანის მიერ ახალ გამოკვლევებსა და აღმოჩენებს. ეს [პროგრამა] ამერიკელი ასტრონავტების პირველი ნაბიჯები იქნება მთვარეზე დასაბრუნებლად 1972 წლის მერე - გრძელვადიანი გამოკვლევისათვის. ამჯერად, ჩვენ არა მხოლოდ ჩვენს დროშას ჩავრგავთ და დავტოვებთ ნაკვალევს, არამედ ჩვენ დავაფუძნებთ ფონდს, რომელიც საბოლოოდ მარსამდე მიგვიყვანს და, ერთ დღესაც, მის მიღმა არსებულ უამრავ პლანეტაზე“ - განაცხადა პრეზიდენტმა.

თეთრ სახლში მთვარიდან ჩამოტანილი ქვის ნაგლეჯი შემოიტანეს - ისტორიის გამოკვლევისა და მთვარეზე ამერიკელების წარმატების სიმბოლო, რომლის მიხედვითაც ახალი პროგრამაა შექმნილი. Lunar Sample 70215 მთვარის ზედაპირიდან შმიტის აპოლო 17-ის ეკიპაჟმა ჩამოიტანა. აპოლო 17 უკანასკნელი მისია იყო პროგრამა აპოლოსი, რომელმაც ასტრონავტები მთვარეზე გადაიყვანა და უკან დააბრუნა.

ფოტო: NASA