დეკემბერი არაჩვეულებრივი თვე გახლავთ, რადგან მოიცავს ბევრ უქმე დღესა და არდადეგების პერიოდებს.

ამ თვეში მოგზაურობის მსურველები ძირითადად სამთო-სათხილამურო კურორტებს ან ლამაზი საახალწლო მორთულობით განთქმულ ქალაქებს ირჩევენ.

მაგალითად, ახალ წელს, ყველაზე უფრო საოცარი სილამაზე დაგხვდებათ ავსტრიაში, საფრანგეთსა და პოლონეთში, სადაც ლეგენდარული საშობაო ბაზრობები იმართება.

შთამბეჭდავი საახალწლო სანახაობა გელით გერმანიაშიც, სადაც ქვეყნის მოსახლეობა დედაქალაქისკენ მიემართება და საყოველთაო მასკარადში იღებს მონაწილეობას.

ახალი წლის წინა პერიოდში, ფესტივალებითა და მეჯლისებით შეიძლება ტკბობა ინგლისის დედაქალაქ ლონდონში.

სამთო -სათხილამურო სპორტის მოყვარულთა სასიხარულოდ, დეკემბრის თვეში, სეზონი იხსნება, ფართო სათხილამურო ტრასებით განთქმულ კურორტებზე: ჩეხეთში, ავსტრიაში, ფინეთში, საფრანგეთში, შვეიცარიასა და ესპანეთში.

თუმცა ეს არ გახლავთ მაქსიმუმი იმისა, რისი შემოთავაზებაც შეუძლია ჩვენთვის დეკემბრის თვეს.

თბილისისთვის დამახასიათებელი ცივი დეკემბრის გამო, წარმოუდგენლად ჟღერს, მაგრამ არის საზღვაო კურორტები, სადაც წელიწადის ბოლო თვეშიც კი შესაძლებელია პლიაჟზე ნებივრობა.

მაგალითად:

ეგვიპტე

დეკემბერში, აქ, ჰაერის ტემპერატურა პლიუს 25 გრადუსია, წყლის ტემპერატურა კი +24 გრადუსი.

ტაილანდი

ჰაერის ტემპერატურა - პლიუს 30 გრადუსი, წყლის ტემპერატურა - +26 გრადუსი.

ვიეტნამი

ჰაერის ტემპერატურა პლიუს 30 გრადუსი, წყლის ტემპერატურა +27 გრადუსი.

ინდოეთი/გოა

ჰაერის ტემპერატურა პლიუს 32 გრადუსი, წყლის ტემპერატურა +28 გრადუსი.
ფესტივალებისა და გართობის მოყვარულთათვის კი დეკემბრის თვეში საინტერესო იქნება შემდეგი ქვეყნები

ჩინეთი

8 დეკემბერს, ქალაქ ჩანჩუნში იმართება თოვლის სკულპტურების ფესტივალი. სადაც მსოფლიოს სხვადასხვა ქვეყნიდან ჩასული კონკურსანტები ერთმანეთს ეჯიბრებიან და ჩვეულებრივი თოვლისგან საოცარ სკულპტურებს აგებენ.

გერმანია

მთელი დეკემბრის განმავლობაში, მიუნხენში მიმდინარეობს სახელგანთქმული თოლვუდის ფესტივალი, რომელიც წელს, 23 ნოემბერს დაიწყო და 31 დეკემბრამდე გასტანს. თოლვუდი გახლავთ მუსიკალური ფესტივალი რომელიც 1988 წლიდან იღებს სათავეს და წელიწადში ორჯერ იმართება 30 ათასი კვადრატული მეტრის ფართობის მქონე ტერიტორიაზე.

იაპონია

23 დეკემბერს, აქ, ქვეყნის იმპერატორის დაბადების დღეს აღნიშნავენ. ეს გახლავთ დიდი დღესასწაული იაპონიისთვის და ამ დღეს, იმპერატორის სასახლეში ნებისმიერ ადამიანს შეუძლია მისვლა და სპეციალურ წიგნში, მონარქისთვის მისალოცი სიტყვების ჩაწერა.

მექსიკა

23 და 24 დეკემბერს, ქალაქ ოახაკაში იმართება ფესტივალი „ბოლოკის ღამე“. ფესტივალის ფარგლებში, ქალაქის ქუჩებში გამოფენილია ბოლოკისგან დამზადებული, ერთდროულად ლამაზი და უჩვეულო სკულპტურები.

ნიდერლანდები

2017 წლის 30 ნოემბრიდან 2018 წლის 21 იანვრამდე ანუ მთელი დეკემბრის განმავლობაში, ამსტერდამში მიმდინარეობს „შუქების ფესტივალი“ რომელიც მთელს ქალაქში ზღაპრულ სანახაობას ქმნის, რადგან ამსტერდამის ქუჩები ფერების საოცარი დეკორაციებით ირთვება.

და ბოლოს, გეტყვით იმასაც, რომ არ ღირს დასვენებასა და საოცნებო ტურზე უარის თქმა, ერთხელ ვცხოვრობთ და ბედნიერების ჰორმონები არ უნდა მოვიკლოთ.

აიღეთ თუნდაც Vivus-ის სესხი, მაგრამ არ თქვათ უარი მოგზაურობაზე.