წუხელ, გვიან ღამით, ლოტკინზე აფეთქება მოხდა, რამაც ნგრევა გამოიწვია, რის შედეგადაც ერთი ადამიანი დაშავდა. საგანგებო სიტუაციების მართვის მართვის სამსახურში გვითხრეს, დაშავებული სამედიცინო დაწესებულებაშია გადაყვანილი.

როგორც NEWS.On.ge-ს შსს-ში უთხრეს, გამოძიება დაწყებულია 240-ე, 240-ე პრიმა მუხლებით, რაც ობიექტზე უსაფრთხოების წესის დარღვევას და გაზის ობიექტზე უსაფრთხოების წესის დარღვევას გულისხმობს.

მომხდარის შესახებ თავდაპირველად სოციალურ ქსელში ინფორმაცია, ფოტო და ვიდეომასალა გაავრცელა ლაშა შეროზიამ. როგორც ის წერს დაშავებული 19 წლის გოგოა.

"წუხელ ჩვენს წინ შენობა აფეთქდა, 19 წლის გოგო დაშავდა, გადარჩა საბედნიეროდ. ამის შემდეგ ისევ გაზის სუნი რომ იყო სამაშველოს ვუთხარი სუნია გაზის და გადაამოწმეთ ყველაფერი თქო, იქედნურად ზურგი მაქცია და 114 იყო, გადაკეტა და საფრთხე აღმოფხვრილიაო. ეს სუნი გაიფანტა უბრალოდო. რის შემდეგაც იყო უდიდესი წნევით აფეთქება და ნგრევა", — წერს ლაშა შეროზია.