მსახიობი მიშელ ტრაქტენბერგი, რომელმაც მაყურებელს თავი "Gossip Girl"-ში, "Buffy The Vampire Slayer"-სა და "ევროტურში" შესრულებული როლებით დაამახსოვრა, 39 წლის ასაკში გარდაიცვალა.

ტრაქტენბერგის ცხედარი დედამისმა იპოვა მსახიობის ნიუ-იორკის ბინაში. პირველადი დასკვნით, მისი უცაბედი გარდაცვალება რამდენიმე კვირის წინ ჩატარებულ ღვიძლის გადანერგვის ოპერაციას უკავშირდება.

ფოტო: Alamy

წყაროების ინფორმაციით, მსახიობის სიკვდილი სწორედ ოპერაციის შემდგომმა გართულებამ გამოიწვია. ექსპერტების აზრით, ტრაქტენბერგი ბუნებრივი მიზეზებით გარდაიცვალა და გარეშე პირის ჩართულობის დასადგენად საქმე არ აღიძვრება.

გარდაცვალების ზუსტი მიზეზების დასადგენად მიშელ ტრაქტენბერგის ცხედარს ავტოფსიას ჩაუტარებენ.