კალიფორნიაში ჯგუფ მეტალიკას კონცერტზე დაუპატიჟებელი სტუმარი ეწვია. ბენდის თქმით, ცუგამ თავისი საყვარელი სიმღერების მოსმენაში მშვენიერი დრო გაატარა.

თავდაპირველი ვერსია იმის შესახებ, თუ როგორ აღმოჩნდა ძაღლი კონცერტზე, ადგილობრივი ცხოველთა დაცვის ორგანიზაციის პოსტს დაეყრდნო — მათ განაცხადეს, რომ ძაღლი, სახელად შტორმი, პატრონმა კონცერტზე მიატოვა და ის რამდენიმე საათი კუთვნილ სკამზე იჯდა და მუსიკით ტკბებოდა.

მოგვიანებით კი, მეტალიკამ თავის სოციალურ ქსელში პოსტი გამოაქვეყნა და თქვა, რომ შტორმი რეალურად სტადიონთან ახლოს მდგომი სახლიდან გაიქცა და კონცერტზე თავად შეიპარა. მათი თქმით, ცუგა მეორე დღეს პატრონს უსაფრთხოდ დაუბრუნეს.

ძაღლის პატრონმა, არიზბეტ ჰურტადომ, განაცხადა, რომ თავადაც გაკვირვებული დარჩა იმის აღმოჩენით, რომ მისი ძაღლი მეტალიკის ფანია და მათ კონცერტზე დასასწრებად სახლიდანაც კი გაიპარა.