კომპანია სილქნეტში ტელეკომპანიების იმედი, რუსთავი 2-სა და მაესტროს მოთხოვნებს. სილქნეტმა ამ სამი ტელევიზიის სახელით კომპანიამ შპს მედია რაითს ჯორჯიასგან წერილი 15 მაისს მიიღო და მანაც მაყურებელს აცნობა სერვისების შესაძლო გაძვირების შესახებ.

სილქნეტში აღნიშნავენ, რომ მზად არიან მედია რაითს ჯორჯიასთან მოლაპარაკებების დასაწყებად და აღნიშნავენ, რომ შეთანხმებაში გათვალისწინებული უნდა როგორც კომპანიების, ასევე აბონენტების უფლებები. თუმცა, აღნიშნავენ, რომ ლარის კურსის ცვლილების გამო მათი მოგება ისედაც შემცირებულია.

"ჩვენთვის აუცილებელია გვესმოდეს კონკრეტულად რაში მდგომარეობს მათი მოთხოვნა. ასევე გაუგებარია რატომ გამოიწვია გაკვირვება სილქნეტის მიერ ამ ინფორმაციის აბონენტებისთვის შეტყობინებამ, იმ პირობებში, როდესაც სილქნეტს ევალება მომსახურების პირობების შესაძლო ცვლილებების თაობაზე წინასწარ აცნობოს აბონენტებს," - აღნიშნავენ სილქნეტში.

შპს მედია რაითს ჯორჯიამ სილქნეტის მსგავსად შეტყობინება საქართველოში მაუწყებლობის ტრანზიტზე ავტორიზებულ ყველა პირს დაუგზავნა. მათ შორის, Myvideo.ge-ს, Imovies.ge-სა და 100-ზე მეტ კომპანიას. შპს GMR-ის დირექტორს, ზურაბ ნაყეურს მიაჩნია, რომ ქართული მაუწყებლები სხვა ქვეყნის მაუწყებლებთან შედარებით არათანაბარ პირობებში არიან. სწორედ ამით ხსნის მიზეზს, კომპანიებთან კომერციული თანამშრომლობის სურვილს. მისი თქმით, თითოეულ კომპანისთან თანამშრომლობის პირობები მოლაპარაკების შედეგად გაირკვევა.