მათი განცხადებით, მარტიდან ამოქმედებული სპეციალური პროგრამა შეწყდება და მთავრობის განკარგულების შესაბამისად, უკრაინელი ლტოლვილები 15 ივლისიდან ფულად დახმარებას, ოჯახზე 300, ხოლო დამატებით სულზე 45 ლარს მიიღებენ.

რატომ არის მნიშვნელოვანი: მერიაში ამბობენ, რომ უკრაინელი ხალხის დახმარების საკითხზე ინფორმაცია არასწორად ვრცელდება, რაც საზოგადოების დეზინფორმაციას ისახავს მიზნად.

დეტალები: მერიაში აღნიშნავენ, რომ რუსეთ-საქართველოს ომის პირველივე დღეებიდან სპეციალური პროგრამა ამოქმედდა.

  • პროგრამის მიხედვით, ყველა იმ უკრაინელ ლტოლვილს, ვინც მერიას საცხოვრებლით უზრუნველყოფის თხოვნით მიმართავს სხვადასხვა სასტუმროში ათავსებენ.
  • მერიაში მიუთითებენ, რომ თბილისმა უკვე 5 100-ზე მეტ ადამიანს უმასპინძლა, მათგან 2 300-ზე მეტი კი დღესაც ქალაქის 40-მდე მეტ სასტუმროშია დაბინავებული.
  • მათი თქმით, ამ მიზნით, ბიუჯეტიდან ჯამურად 11 მილიონი ლარი დაიხარჯა, ხოლო თვის ბოლოს ეს თანხა 14 მილიონს მიაღწევს.
  • "ამას გარდა, საერთაშორისო ორგანიზაციები (World Vision და UNHCR) განიხილავენ სულზე 235 ლარიან დახმარების პაკეტს".