შემთხვევა ადგილობრივი დროით 23:00 საათზე მოხდა. თვითმფრინავს იორდანიაში 12 ტონა საბრძოლო მასალა გადაჰქონდა.

რატომ არის მნიშვნელოვანი: ბორტზე 8-დან 10 ადამიანამდე იმყოფებოდა.

  • ვარაუდობენ, რომ ავიაკატასტროფის გამო, შესაძლოა, ჰაერში საშიში ნივთიერებები გავრცელდა, მოსახლეობას კი სახლში დარჩენისკენ მოუწოდებენ.

დეტალები: ჩამოვარდნამდე საბერძნეთის ავიაციის სამსახურმა ერთ-ერთი თვითმფრინავის ძრავასთან დაკავშირებული პრობლემის შესახებ შეტყობინება მიიღო.

  • პილოტი საავარიო დაშვების ნებართვას ითხოვდა.
  • Antonov-12-ს სალონიკისა და კავალას აეროპორტში დაშვება შესთავაზეს, თუმცა მალე თვითმფრინავთან კონტაქტი გაწყდა.
  • მან საფრენ ბილიკამდე მისვლა ვერ მოახერხა.

როგორც ცნობილია, თვითმფრინავი აეროპორტიდან 40 კილომეტრში ჩამოვარდა, კადრებში კი ჩანს, რომ მას ცეცხლი დაშვებისას უკვე ეკიდა.

  • ადგილობრივი ოფიციალური პირების განცხადებით, ადგილზე 7 სახანძრო მანქანას იყო მობილიზებული, თუმცა ცეცხლის გამო მასთან მიახლოებას ვერ ახერხებდნენ.